Alaba i hapur për largimin nga Bayern Munich, alarmohen top klubet evropiane

09:19 | 30 Korrik 2020
Arbresh Info

Mbrojtësi David Alaba, është duke menduar largimin nga Bayern Munich, ngase ende s’ka arritur ta rinovojë kontratën.

Gjiganti gjerman që disa muaj është duke provuar të rinovojë kontratën e Alaba-s, por nuk kanë arritur marrëveshje shkaku i pagesës së madhe, transmeton portali arbresh.info.

Sipas Bild, Alaba kërkon pagë shumë të madhe dhe kjo i ka ndalur negociatat.

Ky lajm ka alarmuar top skuadrat evropiane, si Manchester City, Real Madrid-i dhe Barcelona.

Të tri klubet janë të lidhura me lojtarin, por për Alaba duhet të paguajnë rreth 50 milionë euro.

“Qytetarët” prijnë garën sepse trajneri Pep Guardiola është duke e shtyrë klubin për të transferuar Alaba, me të cilin ka punuar te Bayern-i./arbresh.info.